General Santos City—Patay nang nakaplagan ang usa ka Eduardo Mahusay, legal age, lumad nga taga Alegria Alabel, Sarangani Province ug temporaryong nagpuyo sa Purok 17, barangay Mabuhay Gensan human gitigbas sa wala pa mailhing suspek.
Sa inisyal nga imbistigasyon sa Police Station 4, nasayran nga usa ka Felix Diana ang nahidangat sa Bunk house sa biktima nga nahimutang sa luna nga gibantayan niini alas 5:00 ang takna sa kabuntagon, nakurat nalang ang nasampit dihang nakit-an ang biktima nga nagbuy-od na ug naputos ug samad tinigbasan sa kalawasan.
Daling midangop sa kapulisan si Diana aron nga maimbistigahan ang insidenti.
Sa karon ginasuta pa sa kapulisan kung si kinsa ang uwahing nakauban sa biktima ayha kini nakaplagang patay sulod sa iyang bunk house.
Samtang nangalap pa usab sila ug ebidensya nga makatabang sa ilang imbistigasyon kalabutan sa pagpatay sa biktima.
