Hingpit na nga napasakaan ug kaso ang usa ka person of person of interest kinsa may kalambigitan sa nahitabong pagpamusil didto sa may brgy. Siari, lungsod sa Sindangan niadtong miaging huwebes.
Kahinumduman ang biktima mao si Rolindo Amamangpang, molupyo sa may Siari, Sindangan.
Samtang ang mihimo sa pagpamusil mao si Joseph Rabanal nga usa ka caretaker sa usa usab ka panimalay.
Sa resulta sa imbistigasyon ang biktima nga si Rolindo ug ang person of interest nga si Joseph nag inom kini sa panimalay nga iya ni Jeorge Maquilang. Pipila ka oras ang milabay kalit lang nga nagkalalis duruha, hinungdan nga mipauli kini ang biktima sa ilang balay samtang ang person of interest mikuha kini ug armas de fuego sulod sa iyang gibantayan nga balay.
Milabay ang pila ka minuto ang biktima mibalik sa maong lugar ug pugsanon kining misulod gate uban sa usa niya ka kauban ug armado kini sa kutsilyo nga buot mo dunggab sa person of interest, sa dihang nagka atubang na sila kalit lang milanit sa armas si Joseph dayong pusil sa makadaghan nga higayon nga miresulta kini sa grabeng samad pinusilan.
Ang biktima padayon pang nagpa alim sa iyang mga samad samtang ang mipusil nga si Joseph, nag atubang na sa kasong frustrated murder ug illegal position of firearms human gi pasaka sa korte ang reklamo.
