Caretaker sa quarry, giatsa sa kauban-patay

20

South Cotabato —Patay ang usa ka care taker sa quarry human kining giatsa sa g kaubanan ra usab niini sa trabaho didto sa Templonuevo Quarry nga nahimutang sa Sitio Upper San Vicente, Barangay Centrala, Surallah.

Giila ang biktima nga si Jouie Leuterio, 32, residente sa Babatngon, Leyte.
Nasayran nga nakaplagan nalang ang biktima nga wala nay kinabuhi sa iyang kauban sa trabaho nga si Jiffy Samillano kansa nagtaop pa ang atsa sa iyang ulo nga bahin.


Sa inisyal nga imbistigasyon sa Surallah PNP gikabutyag nga posibleng natulog ang biktima dihang kini giatsa sa iyang kaubanan nga si Vincent Kulano, 20, laborer ug residente sa Jose Abad Santos, Davao Occidental.

Human sa krimen, gi-padlock sa suspek ang balay nga gipuy-an sa biktima ayha kini misibat sa wala masayring lugar.

Sa kasamtangan nagpadayon ang gihimong imbistigasyon sa Kapulisan bahin sa insidenti samtang ang suspek padayong gipangita sa kapulisan.

Facebook Comments

From Advertisers