60 anyos-gipusil

General Santos City—Luwas na sa kuyaw nga kahimtang ang usa ka Pepe Morados, 60 anyos nga taga Purok 7, Barangay Fatima Gensan ug temporaryong nanimuyo sa Barangay Sinawal kansa una nang gipusil sa wala mailhing suspek alas 10:30 ang takna sa gabie samtang siya anaa sa giatiman niining farm nga nahimutang sa Barangay Sinawal.

Sumala sa nahipos nga report sa DXMD-RMN Gensan News Team, naglingkod lang matud pa ang biktima dihang kalit lang kining gipusil sa wala mailhing suspek.

Nakaangkon ug samad sa ubos nga bahin sa iyang tiyan ang biktima kansa daling gidala sa ospital.


Ang suspek paspas usab nga misibat human sa krimen. Sa karon nagpaalim pa ang biktima sa iyang samad nga naangkon sa Dr. Jorge Royeca Hospital samtang blangko pa ang pamilya niini sa motibo sa krimen.

Facebook Comments