Ya hace sungcal el un ten-wheeler cargo truck que ta carga mga motorsiclo con el concrete barrier del MCLL highway na Divisoria enantes madrogada.
Asegun con Eduard Lagis,residente de Iligan City, staba pa ele na Cagayan de Oro y bien cargao de seisenta single motorsiclo que esperansao erra aura aga destribuji na mga motorcycle outlets aqui na ciudad.
Sin embargo,mientras ele asegun ts navega na highway enantes pasada alas cuatro del madrogada, llegar na frontera del Divisoria Elementary School,y croza asegun bigla el un single motorsiclo, rason para desviya ele y ya man bangga el su trak na concrete barrier.
Porcausa del impact, ya sapa el high beam del trak y ya arangca el cuatro mga barrier na medyo del camino.
El chuffer ya sustene cuantos mga jutay irida na cuerpo causa del soceso.
Hasta aura no fuede pa quita con el trak na medyo del camino cay ta necesita pa boom truck para hala coneste para na orilla y necesita pa tambien hace abaha con el seisenta nuevo motorsiclo que abordo en este trak.- Bhong Simbajon/RMN News
