TACLOBAN CITY – Padayon an imbistigasyon han Philippine Coast Guard Tacloban ha Cargo Vessel nga Jing-Ming No. 16 nga nakit-an ha Northern Samar nga may sakay nga 9 nga foreign national nga narescue han mga otoridad dida han paglasurbo han Bagyong Agaton.
Gin-aaligar man gud nga tikang ha mao nga Cargo Vessel an nakit-an nga P125-M nga kantidad han cocaine ha Matnog, Sorsogon dida han Enero 4, 2018.
Sumala kan Lt. Johonsan Fabilane, Commander han PCG Eastern Leyte, waray naman daw may nakit-an nga kontrabando ha sulod han Cargo Vessel. An nakit-an daw la ha sulod in rice wine nga dadad-on unta han mga foreign nationals ha Chile.
Ha pagka-yana in aada na ha kustodiya han PCG Tacloban an mao nga cargo vessel matapos masabtan nga diri rehistrado an mao nga barko.
Nagpatapod naman an Coast Guard nga bantay sarado an mao nga barko han mga tinaglawas han PCG samtang padayon pa an ginbubuhat an imbistigasyon.
Samtang, gin-tugutan na nga makauli an 9 nga crew han Cargo Vessel matapos magpakita hira han ira Seamans book o dukomento ngadto Phil. Coast Guard.
