Cargo vessel nasunog,7 ka tripulante nakaangkon nan samad paso sa lawas!

320

Nag-antus nan kahapdos sa samad pagkasunog sa ila lawas an pito (7) ka mga tripulante o crew sa isa ka cargo vessel sa dìd-on na naglawig ini sa kadagatan sa Brgy. Consuelo, sakop nan Cantilan, Surigao del Sur kaadlawon nan Sept.18 ,2019. Sumaya pa sa pakighinabi sa pamilya nan hingtundan na mga biktima na an CARGO BANCA, puno nan karga sa flammable/combustible kemikal, na may gasolina, krudo sanan iban pa na mga karga. An upat (4) na mga tripulante o Crew na biktima an tagtransport sa syudad nan Davao gumikan sa dako an nahimong nahi-agom na pagkasunog sa lawas. Samtang an tuyo (3) na mga tripulante o crew tagdaya sa Caraga Regional Hospital sa Surigao City kahapon na adlaw. An isa ka 50 anyos na biktima nakaangkon nan minor na paso an lawas, an 38 anyos na biktima isab nakaangkon nan pagkapaso sa bitíis sanan bukton. Samtang an 19 anyos na biktima na tagkilaya na si Kiven Dacera nakaangkon nan pagkalapnos sa kalawasan sanan jaun pa gihapon sa pag atiman nan doktor sa Caraga Hospital. Gihimuan isab kuman nan makuti na imbestigasyon sa Phil.Coastguard an amu na panghitabo.(RadyoMaN Romy Salut Brinquez)

Facebook Comments

From Advertisers