Nakaalerto na ang lokal nga panguluhan sang banwa sang Carles angut sa pagpanalasa sang bagyo Urduja.
Ginpahayag ni Mayor Segfred Betita nga hugot ang monitoring nga ila ginahimo upod sa Municipal Disaster Risk Reduction and Management Office ilabi na sa mga island barangays sang Carles.
Nahibaluan nga kalakip sa storm signal number 2 ang banwa sang Carles kon sa diin nabatyagan na sang mga pumuluyo ang mamadlus nga hangin kag mabaskog nga pag-ulan dala sang bagyo.
Angut sini, may panugyan si mayor betita sa mga pumuluyo sang Carles, IIoilo nga mag-aligmat gid kag gilayon nga mag-contact sa natungdan nga mga municipal officials kon may problema angut sa pagpanalasa sang bagyo.
Facebook Comments
