Bangud sa gin-post nga hublas nga laragway sa FB, isa ka amay nagbitay, patay.

Patay ang isa ka amay matapos magbitay sa ila balayan bangud sa kahuya sang gin-upload sang iya mga barkada ang iya hublas nga laragway sa facebook.

Ginkumpirmar ni Punong Barangay Joel Miro sang barangay Bantayan, San Enrique , Iloilo nga naghikog kag patay na sang masapwan ang biktima nga si Jodel Guarin, legal ang pang-edaron, may duha ka kabataan kag bulag sa asawa.

Suno kay Miro nga naga-problema ang biktima bangud sa alegasyon nga pag-upload sang mga barkada sini sang iya hublas nga laragway apang lain lang ang ngalan sa FB.


Bangud posible sa kahuya, wala sini madala kabangdanan nga nagkomiter sang suicide ang biktima kon sa diin mga alas 3 kahapon sang kaagahon, nasapwan ini sang iya bata nga naghakabit sa ila balayan kag wala na sang kabuhi.

Facebook Comments