Davao City – Gikatakdang karon adlawa, Nobyembre 13, 2019 pasakahan og kasong Carnaping, Direct assault, Physical Injury ug Damage to Property ang usa ka lalaki nga giingong dunay diperensiya sa pangisip nga si Carmelito Pamugas, taga Sultan Kudarat.
Sa interbiyu sa DXDC RMN Davao kang Police Major Michael Uyanguren nga carnaping ang nahitabo human nga gibilin sa drayber ang delivery van nga nakaparada sa may Sta. Ana Wharf hinungdan nga gidrayban sa suspek.
Matud ni Uyanguren ubay-ubay ka mga sakyanan ang nabangaan ug gipangdaro sa adlaw’ng Martes lakip ang usa ka police ang nabangaan nga nagmaneho sa iyang single nga motorsiklo.
Ang suspek anaa sa kustodiya sa Sta. Ana Police Station ug ipasaka ang kaso ngadto sa korte.
RadyoMaN Don Pulayao
