South Cotabato—gipanghatag na niaging simana ang cash assistant alang sa mga stall holder ug laray Vendors nga apektado sa sunog sa Koronadal City public market.
Sumala sa City Disaster Risk Reduction and Management Council sa Koronadal City nga mukabat sa 5,000 pesos ang gihatag ngadto sa mga stall holders, 3,000 pesos usab alang sa mga miyembro sa masagana stall holders ug 1,000 pesos alang sa mga laray vendors ang gipanghatag sa nakalabayng simana.
Base sa datus mukabat ngadto sa 249 ka mga stall holders ang anaa sa listahan sa CDRRMC Koronadal samtang anaa sa kapin 50 ka mga Laray vendors ang ilang natala. Sa kinatibuk-an mukabat ngadto sa 1.3 million pesos ang gigahin nga pundo alang sa mga apektado sa maong sunog.
Mapasalamaton usab ang mga stall holders sa financial assistance nga gihatag sa syudad ngadto kanila sanglit makatabang matud pa kini ug dako sa subli nilang pagsugod sa ilang negusyo.
