Nakadawat ug inisyal nga assistance nga 250,000 pesos gikan sa Office of the President pinaagi sa Presidential Management Staff (PMS) ang pamilya sa gipatay nga si PEMS Jimmer Omisol.
Gikabutyag nga dugang 250,000 pesos nga livelihood assistance ang madawat sa pamilya oras nga makumpleto na niini ang mga dokumento ilalum sa Comprehensive Social Benefits Program samtang Housing Benefits ug Employments Benefits usab alang sa asawa kung kini walay trabaho.
Gawas pa adunay scholarship hangtud college sa duha ka mga anak niini nga 15 anyos ug 1 ka tuig nga bata.
Madumduman nga ang 48 anyos nga si PEMS Omisol ang gipatay sa mga sakop sa New Peoples’ Army (NPA) niadtong Mayo 22, 2019 didto sa lungsod sa Carmen, Agusan del Norte dihang misukol kini sa mga NPA nga planong dagiton unta ang maong pulis aron matud pa patubagon sa pipila ka mga salaod niini sigun ni Ka Omar Ibarra diin ang maong alegasyon ang dali usab gihimakak ni P/Col. Ramir Perlito Perlas, sa PPO Agusan del Norte.
Kagahapon gilubong na ang patay’ng lawas ni PEMS Omisol ug gitagaan kini’g heroes burial sa Police Regional Office 13.
[image: ppo omisol.jpg]
