Mohatag ug cash reward si PNP Caraga Reg’l Director PCSupt. Gilberto Cruz ngadto sa mga provincial directors ug chiefs of police sa tanang mga police stations ning rehiyon kansang adunay taas nga accomplishment sa kampanya batok illgal nga droga, kriminalidad ug pagsikop sa mga most wanted persons sa ilang level. Sigun ni SPO3 Zina Panaligan, sa Reg’l Public Information Office sa Police Regional Office 13 nga sa matag semana ipasa sa mga police stations ngadto sa Camp Rafael Rodriguez ang ilang mga accomplishments aron maoy basihan sa paghatag sa cash reward alang sa mga top performers. Ipahigayun ang seremonyas sa paghatag sa pasidungug atol sa flag raising ceremony matag adlawng Lunes sulod sa campo. Pinaagi niini lauman nga modoble pa ang paningkamot sa kapulisan sa pagtuman sa ilang tahas ug gilantaw nga makapataas sa morale sa PNP ang reward system. Wala hinoon gikabutyag kung pilay kantidad sa kwarta nga ilang madawat apan magamit kini diha sa mosunod nga operasyon sa kwerpo sa kapulisan.
Sent from my Samsung Galaxy smartphone.
