Cashier gituok sa tulisan

86

General Santos—naghilak nga nagpatala sa buhatan sa Police Station 2 ang usa ka cashier sa mall human kining gituok sa tulisan samtang kini sakay sa tricycle sa may North Gate, Makar, Barangay Labangal.

Ang biktima nailhang si Rose Marie Perez, 25, residenti sa Purok Balunto, Barangay Labangal Gensan. Alas 9:30 ang takna sa kagabie dihang gikan ang biktima sa Gaisano Mall misakay kini sa tricycle pauli sa ilang balay, pag abot sa may Silway, Barangay West, usa ka lalaki ang misakay.

Pag abot sa may North Gate, mihunong ang tricycle sa ngitngit nga dapit dayon didto na kini gituok sa suspetsado ug gikuha ang iyang bag.nakadagan usab ang biktima ug nakapangayo ug tabang sa kapulisan samtang ang suspek uban ang tricycle driver nga gisakyan sa biktima misibat padulong sa sentrong bahin sa syudad.


Sa kasamtangan giimbistigahan na sa Police Station 2 ang insidenti samtang gidudahang konsabo ang suspetsadong tulisan ug ang driver sa tricycle nga gisakyan sa biktima.

Facebook Comments