Caso contra con el tsuper

8

Maga pulis del Sibuco Municipal Police Station ta prepara ya el propio caso que ay planta conel tsuper del truck despues accidentalmemte ya mata sinco hente durante el accidente na Lipuno, Sibuco, Zamboanga del Norte del Domingo tarde.
Asegun caso de reckless imprudence resulting to multiple homicide, frustrated multiple homicide and damage to property amo que ay planta el maga pulis na corte contra con Jayson De Leon.
Acordando pasada alas 4 del tarde el truck llena maga gulay y otro carga y tiene tamen cuantos persona muntao ta maneha si De Leon encamino para aqui na ciudad estaba na Zamboanga del Norte pero cuando ya llega estos na Lipuno na Sibuco particular na abahada parte del calsada ya perde el guia y preno del truck y ya cay este na costao del calsada y yan derecho na casa de canda Domiciano Estenzo y ya ara pa con cuantos maga hente quien aquel tiempo na lugar.
Como resulta del accidente, ya muri dayun el trabahador del truck si until Jay-ar, Dwayne Santiago 4 año de edad, James Bryan Santiago, 18, Rodolfo Santiago, 60, y si Zyramae Santiago, 11 meses el edad, todo maga residente del lugar.
El maga irido amo canda; Domiciano Estenzo, 60, Roseny Marcial, Sheet Jane Estenzo, Shara Mae Estenzo, Maryrose Estenzo, Delmar Estenzo Reso-or, 8 y si Roderick Guevara Estenzo, 4.

Facebook Comments

From Advertisers