Sumala ni Police Major Antonio Luy, Station Commander sa Bajada Police Station, mangalap sila’g mga impormasyon ug ebidensiya alang sa kasolbaran sa maong kaso.
Matud ni Luy, nga gibutyag sa asawa sa biktima nga kanhi kining political consultant ni late Davao Oriental Governor Corazon Malanyaon ug nahimo usab kining campaign manager sa mga nakalabayng eleksyon. Ang anak sa biktima nga si Giselo Castillones II ang incumbent Barangay Captain sa Barangay San Rafael, Davao Oriental.
Sa kasamtangan, negosyante kini’g sand and gravel ug adunay mga sabong nga aktibidad base sa profiling sa PNP.
Sa imbestigasyon ania ang biktima sa syudad sukad niadtong weekend para mangompra ug sa business transaction. Pauli na unta ang biktima sa Davao Oriental human namahaw sa fastfood chain sa KM 5, Buhangin uban ang live-in partner niining si Alma Lozentes, 57 anyos ug drayber nga si Junie Castro, 50 anyos kinsa samdan dihang nahitabo ang insidente.
Dugang niini, nag-convene kagahapong adlawa, November 23, 2023 ang Special Investigation Task Group sa Davao City Police Office (DCPO) ug dili pa matumbok ang motibo sa pagpatay sa biktima.
Samtang, nakuhaan usab sa CCTV ang duha ka alleged gun for hire suspects nga maoy ginasubay pa karon sa mga awtoridad.
RadyoMaN Aimee Guinita
