Davao City – Personal nga gisuta sa pipila ka opisyal sa Regional Disaster Risk Reduction and Management Council Davao Region (RDRRMC) ang kahimtang sa mga naapektuhan sa linog sa pipila ka lungsod sa probinsiya sa Davao Occidental..
Gipangulohan mismo ni Office of Civil Defense Assistant Secretary Hernando Macaraig Jr., ug OCD XI Operations Section Chief Franz Irag ang pagbisita sa Davao Occidental Provincial Disaster Risk Reduction and Management Office ug ang mga Munisipalidad sa Malita ug Don Marcelino.
Kini subay sa giya sa National Defense Secretary ug Civil Defense Administrator aron masiguro nga mahatag gilayon ang hinanali nga panginahanglanon sa mga lungsod nga naigo sa nakalabay nga Magnitude 6.8 nga linog nga miigo sa kadagatan sa Sarangani niadtong miaging semana.
Subay niini, nagtunol usab ang buhatan og non-food items kon kagamitan sa Jose Abad Santos ug Don Marcelino, ug Sarangani, Davao Occidental.
RadyoMaN Joel Viray
Facebook Comments
