Padayon pa karon nga nagpaalim sa samad pinusilan sa balay tambalanan ang usa ka biktima human kini gisulayan unta sa pagkutlo sa iyang hinulamang kinabuhi.
Nahitabo ang pagpamusil didto sa Brgy. Causwagan, sakop sa lungsod sa Liloy niadtong adlawng myerkules mga 9:05PM.
Ang biktima mao si Bernabe. M. Quines, 52 anyos, usa ka casual employee sa LGU Liloy kinsa gipusil kini sa wala mailang indibidwal.
Sa gihimong inisyal nga imbistigasyon ni PO2 Jo-an M. Utong, samtang ang biktima nag inusarang nagmaneho sa iyang motorsiklo gikan sa lungsod sa Salug padulong sa iyang pinuy-anan kalit kini siyang gipusil sa wala niya maila nga tawo.
Duha ka higayon kini gipabuthan gamit ang calibre 45 ug maayong pagka igo sa iyang toong bahin sa likod sa iyang lawas ug tuo nga bukton.
Nakuha sa crime scene ang duha ka basyo sa bala sa calibre 45.
Nagtuo si PO2 Utong nga ang motibo sa nahitabong pagpamusil mao ang third parties/love triangle kini tungod kay menyo usab ang iyang ge karelasyon.
Lain pang ge tutokan karon nga anggulo mao ang gikalambigitan niini sa guinadiling droga tungod sa pagkasikop niadtong Nov 17, 2016.
Padyon pa karon ang imbistigasyon sa kapulisan sa Liloy aron maila ang responsible sa pagpamusil.
