Sulod na sa NBA finals ang Cleveland Cavaliers matapos pyerdihon ang Boston Celtics sa do-or-die game kaina sa Eastern Conference finals sa score nga 79-87.
Temprano nga nanguna sa 1st quarter sang hampang ang Boston Celtics nga naka-26 points kontra sa 18 points sang Cavaliers.
Pero wala nagpa-ulihi ang Cavs kag nagpanguna sa puntos sa 2nd, 3rd kag 4th quarter.
Apisar nga wala ang all-star forward nga si Kevin Love, indi ini nangin upang para magdaug ang grupo.
Bangud sini, sulod na sa finals ang Cavaliers kag magahulat na lang ang hubon kun sin-o ang magadaug sa isa pa ka do-or-die game sa Western Conference finals sa tunga sang Houston Rockets kag Golden State Warriors. – RCSG / iFM News Bacolod
Facebook Comments
