Daku ug natampo ang Cebu City Police Office sa pagka-numero uno sa Police Regional office -7 lukop nasud nga adunay labing taas nga crime solution efficiency karong tuiga.
Ang Kampo Crame nipasidungog sa PRO-7 human kini nag-unasa pagsulbad sa bisan unsa nga matang sa krimen nga nahitabo karong tuiga .
Usa sa nihatag ug dakung tampo sa maong kalamposan mao ang CCPO tungod kay sinto porsyento ang pagsolusyon sa mga krimen dinhi sa dakbayan sa Sugbu .
Ang record sa CCPO nagpakita nga niabot ug 305 ang Crime Index sa syudad nga naglangkob sa kasong pagpatay , homicide , physical injuries , rape , robbery , theft ug carnapping .
Samtang ang mga Non-Index Crime nitala ug 1,237 ka kaso .
Sa maong gidaghanon moabot sa 90.8 % ang crime cleared efficiency samtang 89% ang crime solution efficiency.
