ILOILO City – Ginaduso ang installation sang CCTV cameras sa mga public markets sang syudad.
Ini agud maka-impose sang disiplina sa mga vendors kag nagakadto sa mga merkado kun katinlo kag katawhayan sang merkado ang ginapangita.
Sa ti-on sang ikaduha nga committee hearing sang sangguniang panglungsod sa problemado nga sitwasyon sang public markets kag ihawan, ginduso ni Councilor Joshua Alim ang installation sang CCTV.
Magluwas diri ginaduso man ni Alim nga ilakip sa lease contract sang mga vendors nga sila ang may katungdanan sa katinlo sang ila stalls.
Nagapati si Alim nga kun may CCTV kag kontrata, pwede ma-cancel ang kontrata sang mga vendors nga mapaslawan sa pagtinlo sang ila stalls.
Positibo naman si kapitan Woody Delariarte sang Kauswagan City Proper kag president sang mga vendors sa terminal market sa amo nga plano.
Suno kay Delariarte makatuga sang katahap sa publiko nga maghigko sa ila lugar ang CCTV cameras.
Photo from web
