Gipasidunggan sa Superbrands Marketing International kon S-M-I isip Outstanding Local Legislator si City Vice Mayor Kikang Uy.
Kini ang gibutyag ni Harry Tambuatco- ang Presidente ug CEO sa S-M-I tungod sa kaligdong sa pagpanerbisyo niini.
Ang maong pasidungog usa ka paagi sa pag-ila sa kalampusan nga naangkon ni Vice Mayor Uy sa iyang pagdumala nga nakatabang sa pagpanday sa kalamboan dili lang sa syudad kon dili sa tibuok nasud.
Nasayran nga gidawat ni Vice Mayor Uy ang Award Certificate sa kaulohan.
Samtang ang Superbrands Marketing International kon S-M-I usa ka award giving body nga nalambigit sa consumer ug service product.
Kini nag-ila sa mga talagsaon ug maligdong nga binuhatan sa mga opisyal sa lokal nga kagamhanan.
Nasayran nga gawas kang Vice Mayor Uy, gipasidunggan usab ang Bise Mayor sa Calamaba City, Laguna nga mao si Vice Mayor Roseller Rizal.
