CDRRMC: Advisories angay tumanon sa tanan

Davao City – Epekto sa mga tawo nga wala mipatuo sa advisories gikan sa mga otoridad ang nahitabo subay sa pagka-trap sa upat ka mga babaye kinsa usab swerteng na rescue didto sa Tamugan River.

Sa interbyu kang Rodrigo Bustillo, operations chief sa Davao City Disaster Risk Reduction Management Council (CDRRMC), gitataw niini nga wala nagkulang og pagpanghatag og pahimangno ang mga otoridad ngadto sa katawhan ilabi na nga adunay ITCZ nga nakaapekto sa panahon sa milaby’ng adlaw.

Matud ni Bustillo, nibaba sa tunga nga bahin sa sapa ang upat ka mga babaye aron manglaba gumikan naka-confine ang tubig didto nga bahin.


“Kanang tulay gyod mismo (sa Tamugan River) dili na kaayo layo ang dig water ana gikan didto sa ibabaw nga portion sa Carmen, Baguio, Catalian,” saysay niini.

Gani suibling nagpahimangno si Bustillo nga motoo gilayon sa mga otoridad ilabi na may kalabutan sa mga kalamidad sanglit alang usab kini sa ilang kaayuhan.

Kahinumdoman nga nikalat sa social media ang video sa pag rescue sa upat ka mga babaye kinsa na trap tunga sa poste ilawom sa tulay diin gitabang kini sa mga membro sa Barangay Risk Reduction Management Council.

RadyoMaN Jason Amisola

Facebook Comments