CDRRMC: Shrine residents angay na i-relocate

Davao City – Angay sumala pang ma-relocate ang mga nanimuyo sa Shrine Hills, Davao City sa mas dali nga panahon. Kini human nga anaa na kini sa ‘critical stage’ sa pagdahili sa yuta kun landslide.

Sa interbyu sa DXDC RMN Davao kang Rodrigo Bustillo, head sa Davao City Disaster Risk Reduction Management Council (CDRRMC), gibutyag niini nga gi-identipika na ang maong lugar nga dili luwas kapuy-an ug nanghinaut kini nga gilayong ma-relocate ang nahisgutan.

“We identified that area, no habitation zone. So, hopefully pag ma lay down na ni sa city government karon, ang mga relocation anang mga tawhana, then they will be relocated as soon as possible time,” saysay ni Bustillo.


Segun ni Bustillo nga padayon pa karong gina-proseso sa gobyerno ang relocation site sa nahisgutan apan tambag niini sa mga nanimuyo sa lugar nga kung mamahimo nang maka-evacuate sa mas sayo nga panahon aron malikay sa peligro labi na panahon sa mga pag-ulan.

“Bisa’g dili pa sila ma-relocate, dapat muhawa na sila labi na ‘tong duol atong naay mga ground movements. Nakataya man ilang kinabuhi. So, continue ang atong paghatag og mga warning ug mga information drive sa mga tawo,” tataw ni Bustillo.

RadyoMaN Kirby Manzon

Facebook Comments