Sa interview sa DXDC RMN Davao kang Ruth dela Cruz, personahe sa CDRRMO Mati, gibutyag niini nga ang mga apektadong lugar mao ang Barangay Sainz, Barangay Dahican, ug Barangay Central.
Saysay ni dela Cruz, nga naggikan ang tubig sa south area o sa bukid nga bahin sa syudad rason nga nag-overflow ang kasapaan. Hinuon, wala na nagpatuman og evacuation tungod kay nag-subside ra usab ang tubig. Nagpasalamat usab kini nga walay natalang injured o nadanyos tungod sa pagbaha.
“Naay balay nga nasudlan (og tubig) diri sa may Barangay Saiz ug sa Barangay Matiao, Purok Dalisay. Pero pagbaba sa tubig, nauga rapud ang ilang balay,” sulti ni dela Cruz.
Panawagan sa CDRRMO sa ilang mga residente nga mag-igmat kanunay sa dagan sa panahon ug maminaw sa advisory gikan sa ilang lokalidad.
RadyoMaN Kirby Manzon
