Kini ang nahimong sentro sa pagpahigayon sa Capability Enhancement on Community Based Response Training for Accredited Community Disaster Volunteers sa maong buhatan di palang dugay diin gisugdan kini sa bulan sa Mayo ug matapos usab karong bulan sa Hunyo.
Nasayran nga upat (4) ka batch ang mipailawom sa maong pagbansay-bansay kung asa mo abot sa 144 ka mga partisipanti ang milangkob niini gikan sa mga nagkalain-laing distrito sa dakbayan sa Malaybalay nga gilangkoban sa North, South, Poblacion, Basakan area ug Upper Pulangi Districts diin didto partikular gi himo ang mga aktibidad sa Mt. Moriah, Brgy. Patpat, Malaybalay City.
Lakip sa mga gitutukan sa maong programa ang pagpahigayon sa mga dinali-an nga essential first-aid sa komunidad sa mga panahon nga mu-igo ang kalamidad.
Lakip ang mga abilidad para mamahimong andam ang Barangay Police Safety Officers (BPSO) ug Barangay Health Workers (BHW) isip mga unang responder sa mga emerhensiya samtang naghulat sa emergency first responder (Ambulance) nga muabot ilabi na sa mga hilit nga mga barangay.
