Davao City- Mulusad og inspeksyon ang Davao City Disaster Risk Reduction and Management Office (CDRRMO) sa mga lugar sa syudad diin adunay mga fault lines.
Sumala ni Ezzra James Fernandez City Disaster Risk Reduction and Management Office (CDRRMO) Operations Assistant, gitawag ang aktibidad nga Walk the Fault.
Kauban sa CDRRMO ang Philippine Institute of Volcanology and Seismology (PHIVOLCS) ug uban pang mga concerned agencies para sa maong aktibidad.
Tumong sa aktidad nga ma-assess ug ma-check gayod ang mga fault lines dinhi sa dakbayan.
Gikatakda kining ipahigayon sa ikatulong semana sa Nobyembre.
RadyoMaN Aimee Guinita
Facebook Comments
