Davao City – Walay natalang damyos sa epekto sa 5.6 magnitude nga linog subay sa report gikan sa Davao City Disaster Risk Reduction Management Office (CDRRMO) nahitabo niadtong adlaw’ng sabado sa kaadlawon Disyembre 10,2022.
Sa interbyu sa DXDC RMN Davao kang Alfredo Baloran, CDRRMO Chief, nga dunay nakitaan gagmay’ng liki sa Malasakit Building sa Southern Philippines Medical Center (SPMC).
Segun ni Baloran nagpahigayon pa og inspeksyon sa mga gambalay, overpass ug fly over kauban ang mga personahe gikan sa City Engineer Office (CEO) sa syudad sa Davao.
“Ang atong pahimangno ilabina sa nahitabong linog, intensity 3 ra nuon ang Davao, tan-awon nila ang ilahang mga gambalay nga gipuy-an. I-check nila especially kadtong mga concrete wall ug mga concrete nga mga establishment nga adunay mga crack, hairline crack. Ipahibalo gyud nila sa atong opisina aron mapadalahan nato og stractural engineers,” sulti ni Baloran.
RadyoMaN Don Pulayao
Facebook Comments
