Davao City – Nakaalerto na ang City Disaster Risk and Reduction Management Office (CDRRMO) alang sa mamahimong epekto sa huwaw dinhi sa syudad.
Segun ni Lyndon Ancajas, CDRRMO Admin Officer, nga nagpagula na ang PAG-ASA og El Niño alert diin posibleng mahitabo kini sa musunod nga duha ngadto sa tulo ka bulan.
Sunod semana adunay himuong panagtagbo ang CDRRMO uban ang laing pang concerned agencies sa pagpangandam sa dry season.
Naka-preposition usab ang mga kahimanan ug mga mitigating measures aron walay grabeng kadaot nga mahitabo atol sa pag-igo sa huwaw.
Nagpahimangno usab si Ancajas, nga mag-doble igmat ilabina kay dili lang grabeng kainit ang masinatian dungan usab niini ang pag-bag-o sa klima diin makasinati ang dakbayan og pag-ulan nga posibleng muresulta sa pagbaha ug mga pagdahili sa yuta.
RadyoMaN Aimee Guinita
Facebook Comments
