CDRRMO: Nanimuyo sa riverbanks angay i-relocate

49

Davao City – Nanawagan karon ang City Disaster Risk Reduction and Management Office (CDRRMO) nga kung mahimong makabalhin na sa mas luwas nga lugar, ang mga residente nga nagpuyo duol sa mga sapa partikular na ang mga pamilyang naapektuhan sa baha sa Bunawan, syudad Davao.

Sa interbyu sa DXDC RMN Davao kang Alfredo Baloran, hepe sa CDRRMO, gibutyag niini nga delikado gayud sa pagbaha ang mga nanimuyo daplin o duol sa kasapaan, flood-prone ug landslide-prone areas ilabina sa sagunson nga mga pag-ulan nga masinatian.

“Atoang ginahangyo dinha man gud, kanunay nako nang gina-mention labi na gyud kadtong mga kaigsoonan nato nga nagpuyo aning mga riverbank, daplin gyud sa suba nga kung pwede, balhinan unta nila nang lugara na. Mangita sila’g lugar nga ilang kapoy-an nga dili pud mahasol ang ilang pagpuyo,” segun ni Baloran.


Gipasabot ni Baloran, luyo sa deklarasyon sa Philippine Atmospheric Geophysical and Astronomical Services Administration (PAGASA) sa dry season, aduna gihapoy epekto ang La Niña pinaagi sa katag-katag nga pag-ulan nga moresulta sa street flooding ug pag-overflow sa kasapaan.

RadyoMaN Kirby Manzon

Facebook Comments