Bag-ong hepe sa kapulisan sa Siyudad sa Sugbo hingpit nang milingkod sa katungdanan ganinang buntag ug misaad nga iyang ipadayon ang mga nasugdang programa sa iyang gihulipan nga labing unang babaying director sa Cebu City Police Office.
Nangulo sa gihimong turn-over of command ang hepe sa Police Regional Office 7 nga si Police Brigadier General Debold Sinas.
Sa kapin usa ka semana nga nagpaabot ang mga sugboanon kung kinsa ang pilion sa kampo crame nga mangulo sa cebu city police office migawas na gyud ang kamandoan pinaagi ni PNP Chief Police General Oscar Albayalde nga ang giindorso ni Police Colonel Royina Garma ug Sinas nga si Police Colonel Gemma Vinluan.
Ang giila nga isog nga personalidad diin siya lang ang labing unang ccpo director nga misukol sa kanhi mayor sa siyudad sa Sugbo Tomas Osmena apan nahimo siyang imosyonal atol sa iyang pagpanamilit sa mga police sa dakbayan sa sugbo.
Iyang gipasigarbo ang malampuson niya nga gubat batok sa illegal nga drugas diin miabot ngadto sa dul-an sa 700 milyones ka pesos nga balor sa shabu ang ilang nasakmit sulod sa usa ka tuig niini nga nahimong CCPO director.
Tungod sa taas nga kalampusan nga nakuha ni col. garma ang mihulip kaniya nga iya ra usab nga classmate sa philippine national police academy police colonel gemma vinluan misaad nga kung dili man matopngan ang nakab-ot sa iyang gipulihan iyang buhaton kutob sa iyang mahimo ang trabaho nga gi sangon ngadto kaniya.
