Gipaabot sa Philippine Coast Guard nga makaduso sa ug Marine Protest ang kapitan sa fastcraft nga M/V St. Braquel sa 2GO Shipping.
Kini human sa insidente sa pagkabangga niini sa barge nga iya sa San Miguel Corporation niadtong Sabado sa gabie.
Matod ni Cebu Coast Guard Deputy Station Commander John Manuel Alep, nga miabot sa 58 ka mga pasahero sa fastcraft ang nadangat sa maong tambalanan tungod sa insidente, diin 23 kanila ang padayon pang naka-confine sa nagkadaiyang ospital sa dakbayan sa Sugbo.
Upat usab kanila ang nakaangkon ug grabeng angol tungod sa maong insidente.
Nasayran nga ang fastcraft, gikan kini sa Ormoc samtang ang barge, gikan sa Estancia, Iloilo ug sa ilang pag-abot sa kadagatan sa Mactan Channel, kalit nga nibangga ang fastcraft sa lubot nga bahin sa barge.
Ang fastcraft adunay 90 ka mga pasahero nga sakay ug 12 ka mga crews samtang dunay 9 ka crew ang barge nga giguyod lang ug tagboat nga iya ra sab sa San Miguel Corp.
Dali hinoon nga gi-rescue sa sistership nga M/V. St. Jhudiel ang mga pasahero ug gidala sa pier 4 diin dunay mga ambulansya ang nag-atang sa mao nga lugar.
Nasayran nga paingon nang modunggo sa wharf sa brgy. Looc, dakbayan sa Mandaue ang barge sa dihang nahitabo ang insidente, samtang paingon sa pier 4 ang fastcraft.#
