Dipolog City-Hingpit na gayud nga gipahugtan ang pagdili sa pag gamit sa mga cellophane sa mga negosyante dinhi sa dakbayan sa Dipolog.
Sa miaging semana nagsugod na ug pagpatuman niini diha sa may merkado publiko ug sa pipila usab ka mga establisemento ning dakbayan.
Tumong niini maong pagdili pag gamit ug mga cellophane aron malikayan ang grabeng kahugaw diha sa mga canal/drainage nga mao na hinuon ang hinungdan sa posibleng pagtaas sa tubig tungod kay mosampong kini.
Hinuon dili naman kini bag-o nga balaod tungod kay niadtong Hunyo 21, 2013 pa kini na na aprobahan sa konseho panahon ni kanhi Mayor Evelyn Uy nga gipangamahanan ni Konsehal Atty Reuben Legorio ang kasamtangang konsehal sa dakbayan ang Ordinace number 13-345 o ang pagdili pag gamit ug mga cellophane.
Pero aduna gihapon mag gamit ug mga cellophane nga kining Bio-Bag o dib a kaha mamahimo usab sila mopalit ug eco-bag/net bag.
Giawhag nalang ang katawhan nga magdala ug kaugalingong sudlanan kon mang merkado sama pananglit sa mga basket, sako bag ug uban pang wala gidili sa maong balaod.
