TALISAY CITY – Bangud sa nalipatan nga pag-charge sang cellphone, apat ka mga pamalay ang gintupok sang kalayo sa nagluntad nga sunog sa Makaingin Bridge, Jaime Street, Barangay Zone 5.
Suno sa imbestigasyon sang sang Bureau of Fire Protection (BFP) nagluntad ang sunog pasado alas 2:45 kaina sang kaagahon nga nag-umpisa sa ikaduha nga panalgan sang balay nga ginapanag-iyahan sang pamilya Malabo.
Nahibaluan nga ang bata sang tag-iya sang balay amo ang nagcharge sang cellphone sa ground floor, apang sang ginbalikan ang nakacharge nga cellphone nagakalayo na ini kabangdanan nga gin-itsahan sini sang bayo, gani nag-ibwal pa gid ang kalayo kabangdanan nga madasig nga naglaton sa mga kaingod nga mga pamalay.
Pasado alas 3:12 sang kaagahon na sang macontrol ang kalayo sa pagpanguna sang Amity Volunteer Fire Brigade.
Samtang ginausisa pa sang BFP ang kabug-usan nga kahalitan sang sunog. / Photo by McCoy Junto
