Dumarao, Capiz – Padayon nga ginabulong sa ospital ang 60-anyos nga amay matapos nga ginlabo sang kaugalingon nga anak sa Barangay Bungsuan, Dumarao, Capiz. Ginkilala ang biktima sa kay Nathaniel Carisma, residente sang Stockfarm, Barangay Bungsuan, Dumarao, Capiz. Sa inisyal nga imbestigasyon sang mga kapulisan, hubog nga nagpauli ang anak nga suspek nga ginkilala sa kay Regine Carisma kag sa wala ginalauman, nagluntad ang pagbinaisay sang mag-amay. Bangud sini, nagkuha sang binangon ang amay kag ginlabo ang anak apang wala ini maigo.
Naagaw sang anak ang binangon kag ginlabo man sini ang iya amay. Nag-ankon sang pilas sa ulo kag abaga ang biktima samtang ang suspek, natigayon naman nga nadakpan sang mga kapulisan.
Facebook Comments
