Gihimakak karon sa Taga City Environment and Natural Resources (CENRO) dinhi sa atong dakbayan nga wala matod pa’y miduol kanila aron hatagan ug pagtagad ang gi reklamo sa pipila ka mga residente sa dakong punoan sa Mahogany anaa nahimutang sa dalang nasyunal brgy. Sta. Filomena duol sa Lamdag birthing clinic.
Kini human nga gibutyag ni Brgy. Kapitan Armando Deliganio nga ila na kining giduol ngadto sa buhatan sa CENRO- Dipolog aron matod pa nga mahatagan ug pagtagad, apan hangtod karon wala pa gihapon kini na lili sa maong ahensya.
Kalabot sa maong pamahayag ni Kapitan Deliganio, gi kuhaan usab ug pamahayag ang opisina sa CENRO piaagi niining inyong tigbalita apan hugtanon kining gihimakak nga wala matod pa’y miduol kanila kalabot sa maong punuan sa kahoy.
Gani mismo si Clevente Tolimis sa CENRO-DIPOLOG ang miingon nga wala may miduaw sa ilang buhatan aron ipa tan-aw ang maong kahoy aron makita ang sitwasyon niini.
“Kami sa CENRO Dipolog ang concern agency sa maong kahoy kay sakop kini sulod sa Syudad dugang pa ni Tolimis sa CENRO Office.”
Bisan paman nga walay mo reklamo o mo adto sa ilang opisina ilaha gihapon matod nga subayon ang maong kahoy aron makita ug ilang mahatagan kini ug aksyon sa pinaka dali nga panahon aron malikay na usab sa risko ang mga mo agi lakip na usab ang mga nanimuyo duol s among punuan.
