NEGROS OCCIDENTAL – Kalabanan karon sa mga drug pushers kag personalities ang mga “new player” ukon bag-uhan sa patag sang illegal drugs.
Ini ang ginbuyagyag ni PNP Region 6, Regional Director Wardly Getalia.
Suno kay Getalia nga ini kasunod nga sa ila latest nga mga drug operations, ang mga nagkaladakpan ang wala sa ila listahan sang mga drug personalities particular sa mga barangay.
Nagapati ang regional director nga ini kasunod man nga posible ang mga drug personalities nga sadto yara sa listahan sang PDEA ang nagpahuway na gid man sa karon.
Isa sa ginalantaw nga rason amo naman ang massive operation nga ginpatigayon sang PNP kag PDEA.
Ginpahayag ni Getalia nga sang mag-resume ukon ginbalik sa kamot sang national police ang pagpatigayon sang mga drug operations, ang sadto aktibo nga mga personalidad ang wala na nagbalik kag ang iban naman naggamit sang iban nga tawo./dyHB BACOLOD
