General Santos City—Sikop sa operatiba sa Philippine Drug Enforcement Agency (PDEA) Regional Office -12 ang usa ka CENRO Officer atol sa gilusad nga buy-bust operation sa Upper Lopez Jaena St., Brgy. Zone IV, Koronadal alas 8:00 pasado ang takna sa gabie sa nakalabayng adlaw.
Giila ang suspek nga si Floyd Gonzales, 42, residente sa maong lugar.
Nasikop ang nasangpit human kining napalitan ug usa ka sachet sa suspected shabu sa PDEA Agent nga nagpakarong-ingnong poseur-buyer gamit ang P500.00 nga buy-bust money.
Laing (1) pa ka sachet sa suspected shabu nga may timbang nga (1) ka gramo nga may market value nga P 6,800.00 ug Shabu Paraphernalia’s ang narekober sa PDEA gikan sa posisyon sa suspetsado.
Si Gonzales, apil sa target-listed drug personality, ug nagtrabaho isip enforcer sa City Environment and Natural Resources Office (CENRO) sa LGU-Koronadal City isip job order status sukad niadtong Enero 2018.
Kasong kalapasan sa Section 5 (Sale of Dangerous Drugs), Section 11 (Possession of Dangerous Drugs) ug Section 12 (Possession of Drug Paraphernalia), Article II sa Republic Act 9165 (The Comprehensive Dangerous Drugs Act of 2002) ang gipasang-at nga kaso batok sa suspetsado.
