Sa interbyu sa DXDC kang Engr. Joseph Dominic Felizarta, City Engineer’s Office chief, adunay nakitang lapses sa construction method.
“Sa construction method ta kung nganong gipaagi tong boom truck didto na wala pa man nakumpleto ang atong bailey bridge. Na-advise-an sa amoang Engineer nga ayaw lang sa para sure kay nakatabok naman na ayaw lang sa paagia ang boom truck pasa makasiguro, pero kay kuan kay siguro sila nga okay ra ilang gipaadto ang boom truck sakay pa gyod ang mga tao ug mga panels edi bug-at kaayo unya wala pa man mahuman ang double reinforcement ato 59% pa ang completion,” sumala niini.
Gi-refer ni Felizarta ang mga makuhang resulta ngadto sa City Legal Office sa mamahimong liability sa contractor sa nasangpit nga proyekto.
Sumala niini kinahanglan nga utrohon gayod gikan sa sinugdanan ang construction sa maong bridge human sa insidente ug mag-request usab og project extension para niini.
Lakip sa susihon sa imbestigasyon kung adunay certification ang mga materyales nga gipanggamit.
Gibutyag niini nga awtomatik nga abagahon sa contractors ang assistance para sa mga biktima sa maong insidente.
RadyoMaN Aimee Guinita
