Ceres natumba, 1 patay, 39 pilason sa Bago City

69

BAGO CITY – Isa ka pasahero patay, iban pilason sang ang Ceres bus natumba sa syudad sang Bago matapos nga madula-an sang kontrol.

Halin sa syudad sang Bacolod pasado las dose sang udto ang Ceres bus nga may body number 5459 kag temporaryo nga plaka 070609 nga may rota Bacolod-Ma-ao sakay ang 40 ka mga pasahero nga ginamaneho ni Imir Paro.


Suno sa drayber, pag-abot sa Barangay Pacol ini ang nadulaan sang kontrol kag nag isi-isi rason nga natumba ang amo nga bus.

Mga 31 ka mga pasahero sini ang pilason nga gindala naman sa Bago City Hospital samtang walo naman ang Bacolod Adventist Medical Center.

Isa naman diri ang patay matapos nga mapil-pilan sang bus ang iya nga ulo nga gintuna-an sang iya gilayon nga kamatayon.

Ginkilala ang biktima nga si Ana Mae de Claro, 28 anyos, pumoluyo sang Purok Luisa, Barangay Ma-ao syudad sang Bago.

Ini ang nagsakay halin sa syudad sang Bago proper kag padulong na sa ila puloy-an sang matabo ang insidente.

Sa karon padayon pa nga ginabulong ang mga biktima sa ospital kag yara naman sa Bago City Police traffic division ang driver.

Facebook Comments

From Advertisers