Upat ka drayber ug upat ka konduktor positibo sa droga

69

Davao City – Walo ang kumpirmadong nagpositibo sa gikasang drug test atol sa Oplan Huli Week sa Philipine Drug Enforcement Agency XI uban ang lain pang mga ahensya.

Gibutyag ni PDEA XI Regional Director Antonio Rivera nga upat sa nagpositibo mga drivers ug upat ang konduktor sa Davao City Overland Transport Terminal.


Giendorso sa PDEA XI ang mga nagpositibo sa City Drug Abuse Council para sa himuong screening.

“Didto after sa screening nila, mag-register sila didto para mag undergo sila’g rehab, wala silay silot in fact tabangan pa nato sila nga ma-rehabilitate. Dili nato sila pweding silotan kay gagamit ra man sila tapos wala mana madakpan sa paggamit nila inflagrante,” matud ni Rivera

Matud ni Rivera nga giturn-over na ngadto sa LTO ang lisensya sa upat ka mga bus drivers.

“Nganong gikuha sa LTO ang ilahang license para i-process nila administratively kung angayan ba na i-revoke ang ilahang lisensya tungod kay violation mana sa LTO pero kung nag-promise katong nag-positive nga muapil sila sa rehabilitation naa na sa LTO,” segun ni Rivera.

Nagpahigayon usab og sweeping operation ang PDEA gamit ang mga K9 dogs batok sa mga kontrabando nga pweding ipalusot diha sa mga bagahe sa mga pasahero.

Karong adlawa kapin 308 ka mga DCOTT personnel ang gipailawom sa surpresang mandatory drug test, 190 ka mga bus drivers, 114 ka mga konduktor, 3 ka dispatchers ug usa ka inspektor, katuyuan sa PDEA para masiguradong luwas ang mga pasahero nga mahatod sa ilahang mga destinasyon.

RadyoMaN Aimee Guinita

Facebook Comments

From Advertisers