CGM, nagpahimangno sa publiko alayon sa pagsugod na sa distribution sa Handog Pamasko 2020!

32

Dungan sa pag-apod-apod sa City Government of Malaybalay sa Handog Pamasko 2020, nagpahimangno karon ang Acting City Mayor sa publiko nga dili magpasagad sa paglabay sa basura.

Nasayran nga niadtong nakalabay nga semana gisugdan ang distribution sa Handog Pamasko ngadto sa 27, 280 households nga mulungtad sa Disyembre 7.


Mikabat sa kinatibuk-ang kantidad nga P16,947,700.00 nga ang mao nga food packs nga adunay sulod nga bugas ug assorted grocery items.

Sa interview sa RMN ngadto kang Vice Mayor ug Acting City Mayor Warren Pabillaran, nagpahimangno kini sa mga makadawat sa mao nga handog pamasko nga mahimong responsible sa ilang mga basura.

Gihangyo ninii nga unta dili magpataka ug labay sa basura nga gikan sa mao nga food items hinoon, ihatod kini sa matag barangay aron mahipos ug tarong.

Matud ni Pabillaran nga gimandoan usab ang mga barangay kapitan nga dawaton ang mga basura nga ihatod sa ilaha tungod kay naa nay balaod kalabot niini.




Dili matud pa maayo nga mahiadto lang sa mga sapa ug suba ang mga basura tungod kay dili kini makahatag ug maayong epekto sa kinaiyahan.

Facebook Comments