Pagadian City – Giplastar na sa 13th City Council sa Sangguniang Panlungsod kun kinsa nga konsehal ang angayan ug takos nga mangamahan sa lain-laing 23 ka komitiba sa konseho.
Kini ang gihisgutan atol sa unang tagbo sa mga konsehal sa syudad sa Pagadian sa hawanan sa Sangguniang Panlungsod kagahapong adlawa.
Gipili nga isip Floor Leader si City Councilor Teodoro Quicoy samtang assistant Floor Leader si Konsehal Arnold Gavenia.
Aprobado na sa unang tagbo sa mga konsehal ang Chairmanship sa komitiba sa konseho diin ang mangamahan sa Agriculture, Fishery ug Agrarian Reform si City Councilor Jigger Ariosa ug siya usab ang chairman sa Market and Slaughterhouse.
Ang Barangay Affairs , Commerce Trade and Industry & Economic Enterprises & Cooperative , Human Rights and Urban Poor lauman nga dumalaon ni konsehal Fernando Pameron.
Gisangunan usab sa Education, Science and Technology & Accreditation of NGO’s and POS si Konsehal Vicenzo Cagampang lakip nga iyang dal-on ang komitiba sa Good Government, Ethics and Civil Service, Police , Fire and Public Safety.
Gika-uyonan usab nga modala sa Finance and Appropriations si City Councilor Arnold Gavenia lakip siya ang chairman sa Infrastructure ug Steering Committee.
Ang Games, Amusements and Sports, Youth Welfare , Tourism, Sisterhood Program, Arts and Culture huptan ni Konsehal Sam Tyra Co.
Si City Councilor Teodoro Quicoy usab ang maghupot sa Laws, Rules and Policy Formulation, Planning and Landed Estates.
Samtang si Konsehal Dicky Fernandez ang gisangunan sa Women and Family Welfare, Health and Social Services.
Si konsehal Jesuller Duterte mao ang momaniho sa Public Utilities, Transportation, Communication and Franchising.
Ang komitiba sa Labor and Industrial Relations ang gihatag kang City Councilor Jesus Bajamunde ug si konsehal Troy Asugas ang modumala sa Ways and Means.
Si Vice- Mayor Maphilindo OBaob maoy chairman sa Oversight Committee diin iyang kabaag si Konsehal Co ug Quicoy.
Nibisita usab atol sa session kagahapon si 1st District Congresswoman Divina Yu ug Pagadian City Mayor Sammy Co.
