ILOILO City – Nangin kontrobersyal ang paghiwat sang championship game sa baseball secondary sa tunga sang team Iloilo kag team Negros.
Ini bangud 30 minutos lang ang pahuway sang mga players sang team Iloilo kag gin-atubang naman sang mga ini ang team Negros sa championship game apisar pasado alas 10:00 na sang aga.
Base sa pagsulundan sang Dep-Ed, dapat wala na sang outdoor games halin alas 10 sa aga asta alas 3 sa hapon.
Suno kay Dep-Ed 6 spokeperson Dr. Lea Belleza, iya pa hibaluon subong nga aga kon ano ang nangin rason kon ngaa may ginhiwat pa nga hinampang sadto nga mga inoras nga ginadili-an naman sang department of education.
Nahibaluan nga pasado alas 9:00 kahapon sang aga sang natapos ang hampang sa tunga sang team Aklan kag team Iloilo kag pagkatapos sang 30 minutos, ginhiwat naman ang championship game pasado alas 10:00 sa aga kag natapos pasado ala 1:00 sa hapon.
