Dingle, Iloilo – May yara na sang panibag-o nga commander ang 301st Infantry (Bayanihan) Brigade nga nakabase sa Camp Adriano Hernandez, Dingle, Iloilo.
Ini matapos ang ginpatigayon nga Change-of-Command Ceremony sang nakaligad nga Hulyo 10, 2018 kun sa diin gintal-osan ni Colonel Benedict Arevalo ang outgoing nga si Brigadier General Pio Diñoso III nga una na nga gin-designate bilang Deputy Chief of Staff for Logistics sang AFP.
Nahibaloan nga antes ang pwesto sini, si Colonel Arevalo amo ang Commander sang Combat Arms School, Training & Doctrine Command (TRADOC).
Samtang indi ini amo ang una nga assignment ni Arevalo sa area nga sakop sang 3rd Infantry Division bangod nagserbe man ini sadto nga Intelligence Officer sang 302nd Infantry (Achiever) Brigade nga nakabase sa Negros Island halin 1994-1995 kag 1996-1998; Intelligence kag Operations Officer sang defunct 3ID’s 7th Infantry Battalion sang 1992-1994.
Sa pihak nga bahin, ginpasalamatan man ni MGen Dinoh Dolina ang mga accomplishments ni BGen Diñoso sa isla sang Panay partikular na ang pag-surrender sang mga katapo sang terorista nga CPP-NPA.
© Philippine Army Spearhead Troopers
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
