‘Change’ tema sa 3rd SONA

78

Davao City – Hisgutanan sa kausaban ang ginalantaw nga tema sa umaabot nga ikatulo nga State of the Nation Address (SONA) ni Pres. Rodrigo Duterte.

Sa pakighinabi kang Prof. Ramon Casiple sa Institute for Political and Electoral Reforms (IPER) sa programang ‘Straight to the Point’, gitataw niini nga dakong hisgutan ang mga programa sa pangulo bahin sa anti-corruption, anti-poverty lakip na ang Build, Build, Build Program.


Sigurado usab si Casiple nga adunay update ang presidente bahin sa pag-uswag sa Growth Domenstic Product, diskusyon sa foreign affairs, hisgutanang anti-drug ug anti-crime campaigns sa nasud ug ang pagsugod sa ginaduso niining Pederalismo.

Dugang ni Casiple nga na-aprubahan na sa consultative committee ang Presidential Federeral-type of government apan adunay mas gusto pillion ang Semi-Presidential Federal nga dili susama sa gahum sa usa ka presidente.

Sa pikas bahin, human sa bicameral meeting aduna na lamang usa ka draft ang ginabuhat karon sa joint-technical working group sa konseho alang sa Basic Bangsamoro Law (BBL) diin lauman nga aprubahan sa duha ka house committee sa umaabot nga Lunes ug pirma na lamang ni Pres. Rodrigo Duterte ang gina hulat.

RadyoMaN Jason Amisola

Facebook Comments

From Advertisers