Giklaro sa Philippine Charity Sweepstakes Office (PCSO) ning probinsya sa Bukidnon nag adunay igo nga pondo ang ahensya aron ipadayon ang ilang tanang charity services niini sa publiko.
Kini luyo sa pagsunod sa PCSO sa direktiba ni Pangulong Rodrigo Duterte nga suspendihon ang tanang gaming activities hangtod wala pay bag-ong abiso.
Sa interview sa RMN Malaybalay ngadto kang Mario Pelisco, ang provincial branch manager sa PCSO Bukidnon gibutyag niini nga abli pa ang ilang buhatan alang sa manginahanglan ug tabang tungod kay wala gisuspendi ang ilang pagpanghatag ug ayuda.
Bisan pa man niini, giklaro niya nga aduna pa gihapoy subayon nga implementing guidelines kung asa dili moderetcho ug adto sa ilang opisina tungod kay kinahanglan pa kining mu-agi sa social worker sa mga hospital kung aha ma admit aron makapangutana kung aduna bay igo nga pondo ug makakuha sa mga rekisitos.
Gitambagan usab niini ang publiko nga kung dili kwalipikado sa guidelines sa Individual Medical Assistance Program (IMAP) dili na lang muadto sa ilang buhatan.
Sigun ni Pelisco nga limitado lamang ang ilang pondo maong dili tanan ang matabangan.
Gikasubo usab niini nga gikan sa 150,000 pesos ang ilang pondo gi-ubos kini temproryo ngadto sa 84,000 kada adlaw.
Wala usab daw niya balibari ang mga dialysis patients apan gi-ubos lang ang kantidad nga ilang nahatag.
