Padayong gipahugtan ang PNP Checkpoint dire na sa caraga region subay sa kamandoan ni PNP Caraga Regional Director PBGen. Joselito Esquivel, Jr.
Duha na sab ka mga studyante ang naaresto nga nagbitbit nga armas sa gipuntar nga checkpoint didto na sa national highway sa Purok Dancing Lady, Poblacion, Carmen, Surigao del Sur.
Giila ang mga naaresto nga sila si Aljorec Iligan, 20 anyos, Grade-12 Student ug igsoon nga si Ariel Iligan, 18 anyos, college student, parehonbg residente sa Purok-5, Barangay Hinapoyan sa maong lungsod.
Gikaingon nga gimanehoan ni Aljorec ang kolor pula nga rosi motorcycle na walay plate number ug sa dihang gipahunong kini sa checkpoint , walay gikapakitang pertinent papers og gumikan kay na-obserbahan sa mga otoridad nga nagburot ang kilid sa maong driver gihangyo kini nga ipataas ang suot niining t-shirt ug didto nakita ang gituck-in niining caliber 45 pistol nga adunay magazine loaded sa lima ka mga buhing bala.
Kasong violation of Republic Act No. 10591 kun Comprehensive Firearms and Ammunition Act ang atubangon sa mga suspek nga kasamtangang gikustudiya karon sa Carmen PNP sa Surigao.
[image: esquivelllll.jpg]
