Sa interview sa DXDC RMN Davao kang Christopher Pulido, Supervising Education Program Specialist sa CHED-Davao, iyahang gipasabot nga bisan og wala nagbawal ang CHED, kinahanglang magpabiling “apolitical” o walay dapigan nga politiko ang mga state university ug colleges, sama sa national government agencies.
“We have no policy which prohibits the schools from inviting politicians pag-conduct sa ilang graduation ceremonies. Syempre, ang mga politicians, they are identified as leaders within the community. Well, pwede pud national leaders sila,” matud ni Pulido.
Gidugang sa CHED-Davao official nga ang nahisgutang mga politiko ilabi na kadtong elected officials, aduna usay mapaambit sa mga estudyante ilabi na sa hisgutanang edukasyon ug paunsa kini mapalambo pa alang sa maayong kaugmaon sa nahisgutan.
RadyoMaN Kirby Manzon
