Davao City – Ginatun-an karon sa Commission on Higher Education (CHED- XI) nga bulan sa Agosto o Setyembre mag abri og klase ang tertiary education nunot sa krisis sa COVID-19.
Sa pakighinabi sa DXDC RMN Davao kang CHED- XI Technical Director Dr. Luiz Perez, wala pay official memorandum gikan sa CHED central office apan naglusad na sila og survey sa mga tulunghaan sa Region XI alang sa pagpahimutang sa balik-klase dinhi sa rehiyon.
“Mostly mag open sila (schools) og August pero there are some mag open og September. Kana man gud sa August, if the school is ready to implement the flexible learning kay di na man ta pwede mubalik sa traditional classroom classes so dapat flexible ang system… online learning ug pwede pud sa offline, combination sa online and offline,” segun ni Perez.
Samtang nagtuo si Perez nga makatabang gihapon sa kalidad sa mga makat-onan sa kabataan ang pagpatuman sa Flexible Learning Options apan gipaniguro usab sa CHED nga matutukan ang pagpahimutang sa maong plano sama sa paglusad og massive training ngadto sa mga magtutudlo bahin sa online learning.
RadyoMaN Renz Barbarona
